أنا فعمري 20 سنة وفهاد السنة ليدازت كنت في الاشهر الاخيرة كنهضر مع الاستاذ ديالي في الفيسبوك من الاول كانت غير هضرة من بعد مسلينا لقريا بدا تيهضرويطلب مني نتزوج بيه وتيبغيني انا في الاول مفكرتش فهاد شي وكنت كنهضر معاه حيت كان يفوج عليا وكنضحكو ومن بعد بديت كنفكر معاه وبلي يقدر يكون شريك حياتي لقيت فيه كولشي لي بغيت ومتفهم بزاف واحد لمدة دازت صارحتو بلي يقدر يجي لدارنا وانا قابلة قالي ديك ساعة ميقدرش وانني جوبتو متآخرة ويارت كن قلتها في الاول دبا عندو مشاكيل وميقدرش نتزوجو صافي انا ديك ساعة شكيت بلي عندو شي حاجة مع العلم كنت ديما كنتلقى بيه و كنخرجو صدمني قلتليه دبا حنا صافي مغنكملوش وكلها يشد طريق مبغاش وبغاني نبقا معاه ا منتفرقش عليه من بعد طلب مني نتلقا بيه وتلقيتو وقاليا بلي دار مابغينش بنت هاد لمدينة لي انا فيها وقليا نساي لهضرة لقلت ليك انا غنحاول دوك المشاكيل نحلهم انتزوج بيك صافي فرحت وقلت الحمد لله من بعد وحنا تنفكرو في الزواج دازت مدة وقالي انا خاطب بنت هادي مدة شهرين ولكن دار لبغاوها ليا و انا مبغيهاش انا غنتفرق معها حيت ممرتاحش ليها وهدا هو المشكيل لي كنت مخبي عليك حيت عارف الى قلت ليك غتخليني وانا بغيك نتي ودبا عاونيني كندير نقول للبنت نتفرقو بلما نجرحها لمهيم من بعد 4 ايام تفارق معا الخطيبة ديالو رجعنا مزيانين وتنخطو المستقبل وكيفاش وفين ندوزو شهر العسل و امتى العرس والوقت لي غيجي لدارنا حنا 9 شهور تنهضرو و4 شهور وحنا في علاقة حب الولد تيقولي متتعرفيش تهضري وتعاملي وبصراحة انا شوية قاصحة لكن انا قلبي بيض وحنينا بزاف وتنبغيه وتنقول ليه لهضرة وتندم ولكن ماشي لخاطري والله معرفتش مالي كنا دائما تنهضرو في الهاتف وتنشوفو اتيتوحشني وحتى انا بصراحة درت غلطة ا ندمدت عليها في الاول كانت رافضة لها قالي نمشي معاه لدار ومغيصرا والو لكن غير ناس ميبقاوش حضينا وانا عندي خوتي مشيت المهم 5 دلمرات لكن معمرو أداني ولا دار ليا حاجة خايبة تيقولي نتي مراتي معمرني اديت ا معمرني نأدي هدي دارك المهم هاد الايام تبدل مبقاش تيعيط ويسول ويجبد ليا امتى غيجي لدار ولا شي حاجة هكاك مع العلم موعدني شهرجاي يجي لدار مرا مرا مساج كيف دايرا وديك نبغيك تيقولها لكن متنحس بيها هكا انا حسيت بيه تبدل عليا ا انا بغيتو اخيفا نخسرو وليت تنقول كيما دار الخطيبة لولا يدير ليا وخا هيا معزلهاش هو امكانش بغيها مرا تنقول بهضرتي لمتتعجبوش مبقاش بغيني انا معرفتش شنو ندير.
2 التعليقات
