السلام اليوم بغيت نطرح مشكل كل البنات كيلقاوه….
عارفين علاش الولاد خرجو مصطلح المسطاشة؟
- حيت سياتكوم فين ما شفتي شي بنت خلقها الله فشي سيفة واقتنعات براسها ومادفناتش نفسها وآمنت بلي عندها حقها فالجمال واخا هي خايبة أو معجبكش لبسها كتردها ساقطة وممربياش وهي ماليهاش ذنب..
-حيت أنت خليتي نص بنات بلادك يفقدو الثقة فنفسهوم بسبب السبان و الشتم والانتقاد الفارغ واللي ملقيتي باش تجاوبها نقولها مسطاشة هاكي جيليت..
-حيت وليتي نازل بالسبان التجريح فالمغربية وعممتي وخلطتي بين بنت الناس والعاهرة وكتجري مورا السويدية وتقارنها ببنت بلادك وملي أنا وهي نقلدو ديك السويدية على قبلك تسميني صلكوطة و خاصني نتستر وكطيح عليك الدين من حيث لا ندري
أنا وهاديك صافي عيينا.. باركة من الاهانة وباركة من القمع.. وليت كنخاف نعلق فشي صفحة وإلا لقيت صوري فسكوب ولقيت تعليقي فألف صفحة تحت عنوان مسطاشة كتلحس الكابة.. باركة عافاكوم رحمونا ومتخلطوش وراه الفساد كاين عند البنات و الولاد و الا كيفاش البنت تفسد بوحدها؟؟
شي مرة دوك البرااهش لي كي سدو النقاش بماكينة د الحسانة يطوروا الحوار وي واجهوا الواقع..
انا كتبت فهاد الموقع لانه كيعجبني وكعجبوني المواضيع اللي كيناقشو الناس فيه.. وكنطرح هاد النقطة لعلي لقا دوك الرجال ديال بصح يجاوبوني وبلا سبان مغنجاوبش اللي كيسب. شكرا
موضوع يستحق النقاش !!
0 التعليقات
