انا بنت فعمري 21 سنة مزالة كنرقة الحمد لله المشكل هو ولديا ديما كيضاربو و دايما بابا كيضرب ماما غير هاد الايام شير عليها ببراد لوجها خلاها كلها دمايات و دابا ناوي يتزوج عليها و يجيب لينا الدرة حتا لدار الصراحة كيتعامل معايا انا و خويا مزيان المشكل عندو مع ماما . هادي 7 سنين تعرفت علا واحد الدري و ناوي معايا المعقول فوقما كيقولي نجي نخطبك كنتهرب عليه حيت انا اصلا من طبعي مكنرضاش فين يجي و الدار كلها مشاكيل ممستقرينش فحياتنا كل نهار صداع و جيران كسمعو غواتنا. هاد الايام ولا كيشك كيقولي مهما مابغيتينيش نجي الا و كاينة شي حاجة مخبياها. الصراحة معرفت ماندير واش نعاودلو شنو واقع نخاف يبدل رايو فيا ولا نبقا هاكا حتا نتخرج و نخدم و نهز مي و خويا عاد الا بغا يجي مرحبا علما انه مزالي 4 سنين و نتخرج و انا عارفاه مايقدرش يصبر هاد المدة كاملة عاونوني الله يجازيكم بخير.
0 التعليقات
