•السلام عليكم كيف دايريين عواشركم مبروكة اليوم جيت نعاود ليكم قصتي كنتمنى تعاونوني انا مشكلتي هيا القراية ااه القراية مصطياني ومخرجا ليا عقلي انا في عمري 18سنة خديت الباك ديالي هاد العام بميزة حسن شعبة الكهرباء كان عندي طموح وليني فاش شفت ديك النقطة فشلت بقيت كنبكي وكاع اللي كيعرفوني تصدمو لاني كنت من بين الاوائل المهم سديت عليا في الصيف غاكنبكي مانكول ماوالو وجات الصدمات لاخرين وحدة ورى وحدة بداو كيتعلقو نتائج المقبولين في المدارس اولها الاقسام التحضيرية متقبلتش جيت في لائحة الانتضار في لول ديالها نفس الشيئ بالنسبة EST FST ENSET نقطتي انا شفت هكاك كمل ليا الزين لي خاصني ونقطتي واخا كان باقي عندي امل في ENSAو ENSAM موجدتش ليهم بالفعل متقبلتش في ENSA وليني تقبلت ENSAM دوزتو غير بزز والديا كالو ليا سيري معمرك مفتي المدينة اللي حنا فيها مشيت فرمضان و الصيام و الحرارة و نهار تاع طريق في لاخر مدرت والو فيه كملات تاني من بعد تقبلت فيي الاقسام و EST FST ENSET BTS وليني ماكونفيرميت فتا بلاصة صافي تحطمت كليا مهم درت لافاك درت رياضيات بامكاني نعطي فيها وليني فيناهو الجههد كاع لي كانو كيقراو معايا مشاو المدارس مبقيتش حملت نتلاقا بشي حد جمعت معاهم في فيس شبعوني معيار كالو ليا خرجتي على راسك نتي تستحقي كتر صافي انا ضعت فلافاك كنت انتحول لمدينة اخرى باش نبعد عليهم ساعة مقبلونيش اضطريت نرجع والبرونش لي دايرة كلشي كيقول صعيب انا تحديت هدرة بنادم لحتها ورايا ودرتو انا كنمشيش حيت واخا نمشي مفهماش كندخل مرة مرة فاش كيشوفوني كنبان بشخصية قوية وواثقة من راسي لكن الواقع العكس حتا الصحابات معنديش كاينات لي سلمو فيا تلقائيا بسباب القراية لانني كنت كنجيب حسن منهم كلشي حاضيك حتا من دراري حاضينك مشيت لافاك حصة جبت مرضة هههه واحد دري كن كيقرا معايا كالها ليا نتي خرجات عليك غير عين بنادم كلشي حاضيك وتابعك اللغيط كي خلاوها ناس زمان الحاجة لاتبعوك عليها العرب غا خليها وهرب حمد لله دك شي تاع العلاقات خاوية منو راسي عندي مبادئ دياولي كيتعارضو معا هاد شي انا كنشوف والديا كيخسرو عليا في الفلوس كنحس براسي غشيتهم عايشين ميسورين ولله الحمد خوتي كاين لي مخدامينش ماما كتقول ليا سيري شوفي اش الديري تزادي على خواتاتك تانتيا لا خدمة لا زواج بعض المرات كتقول ليا انا وختي الكبيرة خرجو عطيوني بالتيساع واخا حنا مديرين ليها والو مرضنا ركب فينا الاعصاب حتا لا بغينا نقراو وللللللا شي حاجة وكانت القضية فيها الفلوس زايدة كتعارض مع ان بابا كيوافق و الفلوس كاينة معرفتش علاش وخويا كلا مرة صاقط دايرة عليه لي مايدار سمحو ليا لا طولت عليكم وليني حسيت براسي تخنقت مابقيت عرفت ماندير دابا كننكتب وكنبكي كنشوف كنضيع في راسي نها ر من بعد نهار
1 التعليقات
