السلام عليكم و رحمة الله خوتي في الله اش خباركم ان شاء الله تكون احولكم على خير يا ربي صارحة انا حترت و ترددت باش نطرح مشكلتي ولكن الواحد كايبغني لمن يشكي من بعد الله سبحانه انا عندي 24 سنة مشكلتي الصراحة مع راسي.,,,,, معنديش التيقة ف راسي كنحس اني ما نافعة الوالو و مغدي يديها فيا حد و كنشوف راسي خايبة و زيدها علية اتار ديال الحبوب الي مبرقعين ليا رجلي من ركبة لتحت و يدي من المرفقين لتحت اتار قدام فيا من الصغر عقدوني والله وليت في دارنا و كنلبس حوايج طوال مع العلم اني محتجبة الحمد الله و لكن كنبغي نفرح براسي منين نكون ف دار نلباس صاية و لا كسيوة ولكن دوك البقعة كرهوني في هادشي كلو و الحمد الله على كل حال و كنفكر كانقول شكون غدي يقبل بيا بحال هاكا شنو غادي ندير لحجاب حتى قدام راجلي حتى هو غدي يبغني يشوف مراته قدامه و الحاجة ليكان كيغض البصر ديالو عليها في الزنقة يبغي يشوفها ف مراته الصراحة تعقدت من هاد البقع راه ربي الي عالم بحالي و زاد كملات علية منين جلست في دار من بعد ما خديت الاحازة و ملقيت خدمة زعما لا الاه الا الله و الحمد الله على كل حال باشا تنصحوني ,,,,و شنو رايكم في هاد المشكل ديالي و الي عندها شي وصفة متبخلش عليا بيها الله يجزيكم كل خير.
0 التعليقات
